KEPINCUT KOPER

Dening : Alfan Dzikria Nurrachman (02)

          Atikku pancen bungah banget, kanggo awakku saiki golek duit iku gampang.

Saben wulan mesti oleh gaji. Aku kerjo ing pabrik dadi teknisi mesin sakwise aku lulus soko kuliah teknik mesin.

Kaya biasane aku budhal kerjo isuk-isuk amarga ana aturan soko pabrik panggonanku kerjo jam 7.00 isuk kudu wis teko banjur absen. Nanging dino iki bedo banget, kanca kanca kerjoku podo antri neng ngarep gerbang.

“Ana apa iki kok podo urung mlebu?” takokku marang koncoku

“Waduh, kabeh pekerja pabrik iki arep di PHK !” sumaure koncoku

“Opo, di PHK ? Lha pabrik iki kena masalah apa?” banjur kaget awakku. Lagi kerjo enem sasi, aku wis arep kena PHK.

“Lha mbuh, jarene kena krisis ngono lah” jarene koncoku

Akhire tenan, Kepala Pabrik iku ngumumake nek pabrik panggonku kerjo arep  tutup amarga kena krisis keuangan. Waduh mumet aku, piye carane golek duit maneh.

         

Aku kudu ikhlas nerima iki kabeh. Akhire aku mulai njajal golek lowongan kerja, tapi nyatane angel.

“Pak, kula badhe…..”

“Ngamen gratis” sumaur satpam pabrik iku

“Lho Pak, badhe tanglet wonten…”

“Ngalih ndang ngalih, Mat reneo…” Satpam kui kayak nyeluk wong liya

“Mat? Sinten nggeh pak?”

Auugh, auugh…. Waduh, tibake Mat iku julukane kanggo asu sing njogo pabrik kui, asu kui soko njero banjur ngiter aku, aku mlayu sak banter bantere.

“Hahaha, sokor…” jarene satpam kui

Kurang ajar satpam kui, ing njero batinku. Bejo aku ora dicakot karo asu kui.

Pas wayah awan, aku leren neng halte bus. Ing seberange dalan, ana mobil mandheg. Tak sawang banjur sing numpak medun. Enek siji sing tak delok koper gede, warnane ireng. Neng njero batinku isine koper kui rejeki nomplok, mesti isine duit abang abang sing akeh tenan kui.

“Wah tak jupuke, mumpung mobile urung dikunci, tapi engko aku dadi buron. Piye ya..” aku bingung dewe. “Jupuk wae lah, kepepet iki” banjur aku ndang moro nyebrang marani mobil iku. Wayah aku arep mbukak lawang mobil kui, ana suara sikil nyedak, pikirku sing nduwe mobil moro, wah bahaya iki.

Nambah cedak, nambah cedak suarane, tibake…

“Koran.. Koran.. Jawa Pos.. Sindo.. Surya..” suarane tukang Koran.

“Mboten pak, sampun wonten” suarane sing nduwe mobil

Aku banjur ndang mbukak lawang mobil iku, tak jupuk koper gede iku, tak gowo mlayu sing adoh.

Tekan panggon sepi, arep ndang tak buka isi koper kui. Tapi tibake koper kui nek kodene. Weleh, weleh, bakal angel iki nek mbukak. Akhire aku golek akal, ndang tak gowo mulih banjur tak bukak nggawe obeng.

Ora suwi akhire koper kui iso tak bukak.Banjur tak bukak ladalah isine, isine…

“Mblegedhes, opo iki….” Mbengok aku. Tibake isine namung stopmap karo kertas kertas akeh, ora sesuai karo pangarepku sing tak kiro isine duit abang abang akeh. Waduh, nasib, nasib, wis angel ora bati pisan goro goro kepincut koper.

Liya dina aku kudu nggolek duit kanggo cara sing bener lan halal.

3/10/2016